<<    <     Cerita Dane Yusup     i     >    >> 
Cerita Dane Yusup
Indik Pidaging
Cerita-cerita ring bukune puniki kaambil saking Cakepan Suci.
Titiang sami meled mangdane malantaran bukune puniki,
anak sane seneng indik daging Cakepan Suci,
prasida sareng-sareng melajah.
Cerita-cerita puniki madaging kawicaksanaan lan kapatutan saking Sang Hyang Tunggal.
Cerita-cerita ring bukune puniki inggih punika wantah akidik cerita saking Cakepan Suci.
Cerita-cerita puniki becik pisan yening kapirengin,
tur maguna buat malajah mangda ngamolihang paindikan sane becik.
Cerita-cerita puniki kawentenane kirang langkung petang tali (4.000) tiban sane sampun lintang ring Timur Tengah.
Tokoh ring cerita
Sang Hyang Tunggal - Sang Hyang Tunggal puniki Welas Asih,
Suci lan Mahakuasa.
Ida sane nyiptayang jagate puniki.
Abraham - Dane puniki nenten tios ajin I Isak lan pekak dane Israele.
Dane Abraham kaucap dados leluhur bangsa Yahudi.
Dane Abraham sampun nerima janji saking Sang Hyang Tunggal,
indik soroh sentanan danene jagi nerima tanah sane linggah lan landuh dados druennyane.
Israel - Pesengan danene dumunan inggih punika Yakub.
Dane puniki nenten tios okan dane Isak tur cucun dane Abraham.
Dane madue papat istri.
Pesengan para istrin danene inggih punika Lea,
Rahel,
Silpa tur Bilha.
Lea matugelan sareng Rahel.
Nanging wantah Rahel puniki istri sane pinih katresnain olih dane Israel.
Dane Israel madue oka lanang roras diri.
Okan-okan danene punika dados asal makaroras soroh sentanan bangsa Yahudine.
Yusup - Dane puniki okan dane Israel sane kaping solas.
Ibun danene inggih punika Rahel.
Ruben - Dane puniki okan dane Israel sane paling kelih.
Ibun danene inggih punika Lea.
Simeon - Dane puniki okan dane Israel sane kaping kalih.
Ibun danene inggih punika Lea.
Lewi - Dane puniki okan dane Israel sane kaping tiga.
Ibun danene inggih punika Lea.
Yehuda - Dane puniki okan dane Israel sane kaping papat.
Ibun danene inggih punika Lea.
Benyamin - Dane puniki okan dane Israel sane paling alit.
Ibun danene inggih punika Rahel.
Yening kaanggen ring sekaa alit, dados nganggen panuntun sane ring sor puniki:
Penuntun mabligbagan ring pasamuan:
1. Ngaturang penyuksma.
“Ngiring ja iraga ngaturang suksma mangkin. Semeton jagi ngaturang suksma indik napi?”
2. Ceritayang ja pakeweh semetone suang-suang raris iraga saling tunas icayang.
“Napike semeton wenten pakeweh mangkin?”
3. Ngwacen utawi mirengin paplajahane puniki.
4. Saurin ja pitakenne puniki:
“Napi sane plajahin iraga indik Sang Hyang Tunggal ring ceritane puniki?”
“Napi sane plajahin iraga indik manusa saking ceritane puniki?”
“Sekadi napike sapatutne iraga nyalanang idup manut pengajahane puniki?”
“Kapining sirake sapatutne iraga nyeritayang malih ceritane puniki?”